 Мен ижоддан асло
тўхтаганим йўқ-деб, гап бошлади хонанда Ҳусан. Янги
йилдан олдин қаттиқ шамоллагандим, шамоллаганда қўшиқ айтиб бўлмас экан. Мен қўшиқ
айтганман, бу эса (томоғига ишора қилиб) "связка”ларга таъсир қилди. Овозим шу
сабабли сал бўғилган, доктордан муолажа оляпман. Докторлар қўшиқ айтишни бироз
муҳлатга таъқиқлашди. Даволаниш муҳлати тугашига, 15 кунча қолди. 15 мартлардан
кейин бемалол тайёрлаб қўйган янги қўшиқларимни ижро қилишим мумкин. Бундай
ҳолат битта менда эмас, кўп хонандаларда учраб турадиган ҳолат экан. Бундай
вақтда овоз бўғилиб қолади. Агар бу пайтда қўшиқ айтилса, бир умрга овоз шундай
бўлиб қолиши мумкин экан. Менда бу ҳолат бошланганини кеч билдим. Бошида
томоғим оғрияпти деб ўйлаб, уйда дори ичиб юравергандим. Лекин қарасам, ҳеч
тузалмадим. Кейин устозим хонанда Самандар акамга қўнғироқ қилсам, улар сенда "связка
кетибди” дедилар. Бориб муолажа олгин деб, докторнинг адресини тушунтириб
бердилар. Бордим, 10 кун муолажа олиш ва 20 кун овозни дам олдириш керак, кейин
яна кўрамиз ва ўзимиз қачондан қўшиқ айтишинг мумкинлигини айтамиз, дейишди. Бу
ҳолатда кўп гапириш, қўшиқ айтиш мумкин эмас. Овқат масаласида ҳам парҳез қилиш
керак. Ўзи бу ҳолат, нотўғри қўшиқ айтиш ёки шамоллашдан юзага келар экан. Мен
эса шамоллаб, томоғим оғриган вақтда қўшиқ айтгандим. . .
 Ҳозир эса янги қўшиқларим тайёр, лекин
айтилмаган. Тезроқ чиқариб, клип олишим керак. Даволаниб бўлишим билан дарҳол
куйлайман. Биринчи қўшиғим "Орзу қилдим” деб номланади. Мусиқаси, аранжеровкаси
Роберт, сўзлари ўзимники. Унга бутунлай бошқача йўналишда клип суратга
олмоқчиман. Клип ғояси ўйлаб қўйилган. Яна бир касал бўлгунимча куйлаган,
"Машрабо” деб номланган тайёр сокин қўшиғим бор. Сўзлари ва маъноси жуда кучли.
Лекин, атайлаб уни эфирга бермаяпман. Чунки, қўшиқларим кетма-кет сокин
чиқмасин деб, шўх қўшиқдан кейин эфирга бермоқчиман. Ҳозирда клиплар борасида
ҳам бир ниятим, кузгача янги клиплар суратга олиб, кейин ҳамма клипларимни
йиғиб, тўпламни диск қилиб чиқармоқчиман. Янги қўшиқларим кутилган даражага
етса, куз ойларида концерт ҳам бериш ниятим бор. Мени ҳозир фақат бир нарса,
яъни тузалишим ушлаб турибди.
Феруза Фаттохова
|
0
